ऑनलाइन सत्र कमाल ४५ मिनिटे | केंद्राच्या मार्गदर्शक सूचना जारी

ऑनलाइन सत्र कमाल ४५ मिनिटे, केंद्राच्या मार्गदर्शक सूचना जारी

Online education session will be 45 minutes announced by center government. News in Maharashtra Times on 12 June 2020 about online education 

म. टा. विशेष प्रतिनिधी, मुंबई
१२ जून २०२०

विद्यार्थ्यांना ऑनलाइन शिक्षण नेमके कसे द्यायचे, त्यासाठी कोणत्या साधनांचा वापर करायचा ते मुलांना एकाजागी बसवायचे कसे अशा मार्गदर्शक सूचना यामध्ये देण्यात आल्या आहेत. यात विद्यार्थी, शिक्षक व पालक यांना वेगवेगळ्या सूचना करण्यात आल्या आहेत. कोव्हिड-१९च्या महामारीशी सामना करत असताना पारंपरिक शिक्षणाला पर्याय उभा करणे आवश्यक असल्याचे सांगत अहवालात डिजिटल शिक्षणाची आवश्यकता स्पष्ट करण्यात आली आहे.

करोनामुळे शाळा, कॉलेजे बंद असल्याने ऑनलाइन शिक्षणाचे वारे देशभर वाहत आहेत. मात्र, हे करत असताना मुलांचा स्क्रीनसमोरील वेळ वाढवायचा नाही, ही बाबही लक्षात घेणे आवश्यक आहे. यामुळे कोणतेही ऑनलाइनचे सत्र एकावेळी ३० ते ४५ मिनिटांपेक्षा अधिक असू नये, अशी सूचना केंद्रीय मनुष्यबळ विकास मंत्रालयाच्या शालेय शिक्षण विभागाने काढलेल्या मार्गदर्शक सूचनांमध्ये नमूद करण्यात आली आहे. इयत्तेनुसार दिवसातून एक ते चार वेगवेगळी सत्रे ठेवण्याचे नियोजन करावे, असेही यात स्पष्ट करण्यात आले आहे.

विद्यार्थ्यांना ऑनलाइन शिक्षण नेमके कसे द्यायचे, त्यासाठी कोणत्या साधनांचा वापर करायचा ते मुलांना एकाजागी बसवायचे कसे अशा मार्गदर्शक सूचना यामध्ये देण्यात आल्या आहेत. यात विद्यार्थी, शिक्षक व पालक यांना वेगवेगळ्या सूचना करण्यात आल्या आहेत. कोव्हिड-१९च्या महामारीशी सामना करत असताना पारंपरिक शिक्षणाला पर्याय उभा करणे आवश्यक असल्याचे सांगत अहवालात डिजिटल शिक्षणाची आवश्यकता स्पष्ट करण्यात आली आहे. ऑनलाइन शिक्षणासाठी पाच वेगवेगळ्या प्रकारांत पायाभूत सुविधा असणे आवश्यक आहे, असे यात म्हटले आहे. यात कम्प्युटर, लॅपटॉप, फोरजी इंटरनेट जोडणी, दूरचित्रवाणी संच, डीटीएच केबल जोडणी, रेडिओ जोडणी, स्मार्टफोन इंटरनेट अशा विविध सुविधा असणे आवश्यक असल्याचे स्पष्ट केले आहे.

शिक्षकांसाठी सूचना

- ऑनलाइन शिक्षणात रीअल टाइम शिक्षणाचा अनुभव विद्यार्थ्यांना यावा यासाठी व्हॉट्सअॅप, गुगल क्लासरूमसारख्या सुविधा वापरून शिक्षण देण्यात यावे.

- मुलांना कोठेही, केव्हाही शिक्षण घेता यावे यासाठी दीक्षावरील शैक्षणिक साहित्य याचबरोबर टीव्ही, रेडिओवर शिकविल्या जाणाऱ्या वर्गांबाबत मुलांना मार्गदर्शन करणे.

- शिक्षकांनी काही कंटेण्ट ऑफलाइनही उपलब्ध करून देणे आवश्यक आहे.

- मुख्याध्यापकांनी डिजिटल शिक्षणासाठी आवश्यक सोयीसुविधा उपलब्ध करून द्याव्यात.

- विद्यार्थ्यांचा स्क्रीन टाइम वाढू नये यासाठी पूर्व प्राथमिक वर्गांना ३० मिनिटांपेक्षा जास्त व्हिडीओ दाखवू नये.

- बालवाडीसाठी ३० ते ४५ मिनिटांची दोन सत्रे घ्यावीत.

- माध्यमिक व उच्च माध्यमिकसाठी ३० ते ४५ मिनिटांची चार सत्रे घ्यावीत.

- विद्यार्थ्यांना सूचना देण्यासाठी ऑनलाइन ग्रूप तयार करावा.

- विद्यार्थ्यांचे फोटो, व्हिडीओ ऑनलाइन शेअर करू नये.

- कंटेण्ट तयार करताना एका पानावर पाच ओळी आणि २४चा फॉण्ट ठेवावा.

राज्य सरकारला सूचना

- डिजिटल लिर्निंग वातावरणाची निर्मिती करणे.

- ओपन सोर्सच्या माध्यमातून कंटेण्ट उपलब्ध करून देणे.

- राज्यातील टीव्ही, रेडिओ चॅनेल्सच्या माध्यमातून शिक्षण देणे.

पालकांना सूचना

- मुलांना अधिक वेळ कम्प्युटर, मोबाइल, टीव्हीसमोर बसवू नये.

- कम्प्युटर, टीव्ही खुल्या जागेत ठेवा आणि मुलांच्या वेळेवर नियंत्रण ठेवा.

- सायबर सुरक्षेबाबत विशेष काळजी घ्यावी.

- मुलांची आसनव्यवस्था योग्य पद्धतीने करा.

विद्यार्थ्यांना सूचना

- ऑनलाइन शिक्षणबरोबरच रोज पाठ्यपुस्तकांचे वाचन करावे.

- ऑनलाइन वर्गांबरोबरच इतर कलात्मक, प्रयोगशील वर्गांचे शिक्षण घ्यावे.

- स्क्रीनटाइम दोन तासांपेक्षा जास्त होईल, असे करू नये.

- इंटरनेटवर कोणतीही माहिती भरताना पालकांची परवानगी घ्यावी.

 सौजन्य - महाराष्ट्र टाइम्स मुंबई